انا نبغي الدار تاعي شفت الانانية قلت تاعي تاعنا ان شاء الله باغيتها تكون الاولى واسعة لانو نكره الضيق.نبغي تتبنى في وسط الارض في الدخلة تاع الباب البراني تقابلني جنينة باه ندير في الورد و الشجر و مورا الدار يكون بيسين باه اذا قالي البحر ماشي مليح الذراري كاين وين يلعبو في الصيف هههههه.ضروك ندخلو للدار نبنيها بلي ايتاج الايتاج الاول على الدخلة ندير اول كبير باه نريحو نجمعو فيه كامل و ندير فيه التيليفيزيو و تاني نبنو الكوزينة تم تكون واسعة و تكون زوج شنابر بيناتهم باب مفتوح باه نطيب في جهة و ناكلو في الجهة لخرى و ندير هنا طابلة بيها بالكراسا . و تاني نبني صالون شوية صغير على جال الضيوف الرجال و الحمام يتبنى هنا تاني .الايتاج الزاوج نبني فيه الغرف تاوعنا نبني 5 غرف غرفة ليا زوج للذراري لبنات و الذراري و زوج زيادة لوالديا و لا لوالديه اذا حبو يريحو عندنا .و تاني للضياف و نبني تاني صالة وخدخرى للضياف للنسا.الايتاج الفوقاني مانبنيش فيه باه ندير فيه قعدة شابة .لحد الان هذا ماعندي اذا بغيت كاش مانزيد و لا ندير تعديلات راني ندير رد وخدخر