الكرام شونتي لازم تستعمليه مع حليب بارد بزاف
تحطي كمية من الكرام شونتي و تضيفيها الحليب على حسب ما انتي تحبيه مايه او خاثر او خاثر بزاف
و بواسطة الخلاط الكهربائي تخلطي مليح تبداي بالسرعة البطيئة و تضربي بالشوية حتى يدخل فيه الهواء مليح و ينتفخ باه يجيك خفيف ماشي يكون ثقيل كيما الزبدة
و من بعد كل مرة تزيدي فالسرعة حتى تتحصلي على القوام لي تحبيه
لكان الجو سخون حطيه شوية فالبراد يبرد و من بعد عاودي ضربيه باه تجيك النتيجة مليحة
اذا شفتي الكريمة نتاعك قاسية بزاف ممكن تضيفي شوية حليب و تعاودي تضربي
اذا تحصلتي على كريمة مايهة بزاف و نتي تحبيها جامدة شوية خصوصا كي تستعمليها مع جيب الحلواني " لابوش " ضفيلها القليل من بودرة الكرام شونتي و ضربي قليلا رح تتماسك
لكن لما تعملي الكرام شونتي ما تتمادايش فالخفق لأنها رح تتفكك و تصبح مثل الزبدة
اذا حبيتي تعمليها بنية ضيفي شوية كاكاو
و ممكن تستغني على الحليب و تستعملي الماء البارد فقط
نتمنى نكون افدتك