ou hadi tarika okhra taa el watika bi elllah choufi nti li ysaadek
طريقتي
4 كيلات فرينة كيلة زبدة ذايبة و باردة " انا نستعمل فلوريال روعة" فاني "استعملي دلئما تاع الميزان احسن بكثير" ملون ابيض بودرة
"باه تجي العجينة ناصعة البياض احسن ملي تجيك صفرة و تلمي بماء و ماء زهر مذوب بيهم شوية ملح
العجينة خلاها ترتاح ليلة كاااااااااااااااملة ضروري جدا باه تساعدك في العمل
ممكن تعملي الطريقة لي حطتها الاخت بالكاكاوو تجي مليحة
الحشوة 3 كيلات لوز مرحي كيلة سكر ارطب "استعملي نوعية رفيعة سكر المرجان مثلا" فاني الاخت في الوصفة حطت بشور
الليمون عن نفسي في النوع هذا نفضل الاكستري تاع الجوز او تاع البندق يعطيها طعم مليح و ريحة تهبل
و لمي بالعضام حسب الكمية لي عندك باه يجي الحشو مليح مش يابس حطي ملعقة اطل زبدة طرية فيه
طريقة التشكيل موضحة في الرد تاع الاخت لكن حلي العجينة في المشينة تاع البقلاوة رقم 5 ثم في رقم 7 اذا كنت رح تعمليها دوبلي كيما عملت الاخت اما اذا عملت طبقة وحدة عقبيها على رقم 6
و ممكن تاني تزينيها بنص حبة جوز باه يبان فخم
في الفرن لااااااااازم ميطيبش ياسر يعني يشيح فقط من الاسفل و يشيح فقط من اعلى اذا خدى لون ييبس
كي يخرج من الفرن خليه يبرد و من بعد العسل "استعملي عسل نوعية ملاحة انا مجربة المرجان هايل" يكون ساخن و مخفف بماء زهر
و لازم يكون ساخن و مخفف بماء زهر و الا يجمد و يبسلك القاطو
زيني بابرييون "اللماع"
و موفقة باذن الله