المشكل شكون الي راه يدخل للحبس الي مسكين اول مرة يدير الحاجة وحد الشيخ كان يقريني في الجامعة قالنا الانسان الي موالف يسرق عمرو و لا يفيقو بيه لانو يكون داي دوكتوراه في السرقة و الاختلاسات معنتها عارف كل البيبان الصحيحة باه يغطي روحو و تحت اي ظرف ممكن مي ربي يمهل و لا يهمل هاذي باينة فيمن تطفر في الي اول مرة يجرب و لا تطفر في واحد يلصقو فيه السرقات.الله غالب مجتمعنا قاسي و في هاذي النقطة بالذات حتا انا قاسية الله غالب الانسان الي داخل للحبس نخاف منو و دايمن نشوفو انسان مجرم و مانبغيش نقرب منو و ماشي ساهل باه يتبدل و ماضنيتش رايح نتعامل معاه حتى و كون نكون معاه في بلاصة وحدا رايحة نهدر معاه سؤال جواب برك مي اذا لا قدر الله عرفتو و قربت منو و هذا شوية صعيبة و عرفتو مليح ممكن نتفهمو لانو صح كاين مظاليم في الحبس.واحد جارنا كان سراق مي الصح كان ناس ملاح ههههه و عمرو و لا توشا الجار و لا قال كلمة ماشي مليحة الصح كون ماكانوش يقولو سراق انا كنت نشوفو انسان عادي .المجتمع لما مايقبلوش نوغمالمو يعذرو لانو هذا كامل مليحلو لانو راه يزيد ربي يمحيلو في ذنوبو لانو رايح يصبر على حاجة تعاقب عليها و طريق الخير و الصح ماشي ساهل لازم هو يخدم على روحو باه يبين انو صح تبدل و يا مريومة كاين ناس بزاف لابسين مليح و اصحاب مراكز مرموقة و يلبسو غير اللوكس مي هوما سراقين و مجرمين الفرق انو هاذوك السرقة اسمها عندهم حق و مكانش الي يقلهم من اين لك هذا و كاين ناس يدخلو للحبس لانو سرق الحليب باه يشرب البيبي تاعو مع انو مانيش ندافع عليه مي كاين ناس راهي تسرق باه تروح تشري فيلا لوليدها الي راهم يخممو باه يجيبوه مورا 5 سنين هذا الشي ماشي يبكي ...................