[كلي امل ان شاء الله]

بسم الله الرحمن الرحيم

السلام عليكم و رحمة الله تعالى و بركاته

اول موضوع لي و اول مشاركة اتمنى تفيدوني ان شاء الله
انا جبت الباك نتاعي 2012 بمعدل
13.60

الله غالب هاذا واش كتب ربي و الحمد لله على كل حال

انا مدولي الهندسة المعمارية في مستغانم (architecture)
و انا بغيت نعاود الباك نتاعي ان شاء الله
قالولي ديري التكوين الشبه الطبي (paramédical )
مدام حابة تعاودي الباك و باغية تدخلي الجانب الطبي ان شاء الله معناه تدرسي هاذ العام تكوين شبه طبي على الاقل تستفادي و العام مايروحش في دراسة ماعندها ولا علاقة مع الطب

و حتى اذا عاودتي الباك و مادرتيش واش راكي حابة على الاقل راكي في حاجة مليحة و فيها مستقبل

و زادو خوفوني بلي مانقدرش نعاود الباك و نقرا arvhitectur في نفس الوقت لانها صعيبة


ممكن نعرف
وينها الاحسن الهندسة المعمارية ولا التكوين الشبه الطبي ؟

و وينها لي نقدر نقراها في نفس الوقت و انا نعاود فالباك ؟؟

و وقتاش يبداو تسجيلات 2013 تاع الباكالوريا الاحرار ؟؟

و التكوين الشبه الطبي نقدر مثلا نقرا سنة واحدة من بعد نحبس يعني نغير ؟؟

نتمنى تفيدوني ان شاء الله لاني راني غارقة تاع بصح
و السلام عليكم و رحمة الله و بركاته