السلام عليكم خواتاتي و نشالاه تكونو ملاح
الموضوع راهو باين من اسمو
انا الحاجة لي راهي تحيرني كيفاش الطفلة تقدر تخمج اسم باباها و يماها و تنسا كامل واش دارولها في دقيقة على جال طفل زعما عجبها ولا يحبها و راهو ناويها كيما يقولو شي بنات
يا ختي لو كان جا يحبك ما يخمجلكش اسمك وو زيد هو ماشي مهبول باش يتزوج معا وحدة مشات معاه ( ويدا كان عندو ضمير ) على خاطر كيما مشات معاه تقدر تمشي مع طفل وحدوخر و زيد ربي راهو يشوف فيك في كل مكان و نتي علابالك بلي هاد الحاجة حرام على خاطر علاقة غير شرعية
ويدا قلتي بلي ماشي حرام سما هاد الناس كامل جايحين كي ما داروهاش و نتي زعما سبقتيهم لهاد الحاجة لو كان جات حلال لو كان راهي منتشرة بصح حراااااااااااااااام الله غالب حفت النار بالشهوات و حفت الجنة بالمكاره
مادابيا لوكان تكونو فهمتو عليا و انا نحوس على مصلحتكم خواتاتي و لي مانحبهاش لروحي مانحبهالكمش
سارعو الى التوبة ما دامت الروح لم تبلغ الحلقوم و ربي يغفر لنا كامل نشالاه 