السلام عليكم و رحمة الله و بركاته بسم الله أول شيء نحب نقوللكم عيدكم مبروك و كل عام و انتم بالف خير, راني توحشتكم برشة اليوم لأول مرة في حياتي جربت الغلاساج , و حبيتكم تشوفوه معايا. خذيت الوصفة من عند الأخت المبدعة لؤلؤة الفردوس خولة ربي يجازيها كل خيرو يرزقها الفردوس الأعلى و يحفضها من العين, تلقاو نصيحتها على الغلاساج في ردها رقم 53 في موضوعها الرائع : بعض الصور من حلوياتي........ان شاء الله تعجبكم https://www.djelfa.info/vb/showthread.php?t=1075405 عملت غلاساج عادي من غير ملونات و من غير ملمع الطلية , لأنهم غير موجودين عندي حاليا المهم حاولت , و تلاحظو اللي النقشة غير متقنة هههههههه صعبت عليا و كانت ايدي ترعش ههههههههه أنا عجبني بما أني أول مرة نعملو ههههه و يبقى هشووووووووووووش ما شاء الله عليها الأخت خولة. عملت الغلاصاج للسابلي بنكهة النسكافيه هذا هو : من فضلكم أعطيوني ملاحظاتكم : هل الطلية ناجحة أو لازم تكون أكثف؟؟؟ و هل عادي أن يبقى القليل من رائحة أبيض البيض؟؟؟؟ و هل عادي يبقى بعض فقاعات الهواء الصغيرة في الطلية من فوق؟؟؟ و ملاحظة صغيرة : من بعد ما تشوفو إبداع أختنا صاحبة الوصفة الأصلية ما تضحكوش عليا أختي خولة جازاك الله كل خير , و نتمنى تدخلي و تعطيني نصائحك. و هذه إجابة الأخت لؤلؤة الفردوس خولة حتى تعم الفائدة للجميع , بصراحة نصائحها من ذهب , ربي يجازيها كل خير : الله الله عليك راكي جايبتها فوووووور بالنسبة للغلاصاج باينة جاتك خفيفة شوية و كي تشوفيها خفيفة شوية زيديلها شوية سكر قلاص باش تجي ثقيلة شوية من المفروض مايجيش يريح برائحة البيض ديري 2 ملاعق أكل ماشي معمرين بزاف يعني الماء تاعو برك ماترفديش الخاثر و الفقاعات تاع الهواء نورمامون ماتخرجش ممكن ما صيرتيش السكر قلاص قبل الاستعمال أو ماخلطيتهش مليح في هاذ الحالة تقدري تخلطي بالباتور باش يتخلط مليح و هاذيك الطنجرة لي خلطتي فيها الغلاساج كي تكملي تخلطيها مليح اخبطيها في الأرض ضربة قوية هههههه باش يخرج الهواء و بالنسبة للرشام ماتخليش الحبة تنشف مليح باش تحطيه يعني خليها تنشف شوية و رشمي باش تشربها شوية باش يبان رسم شباب و لي درتيه راه خشين شوية ثقبي ثقبة صغيييرة جدا و خففي الطلية بقليل من ماء الزهر و كي تكوني ترشمي ماتلصقيش للحبة بعدي للفوق شوية و اخدمي و اجبدي باش ترقاق شوية على العموم تطبيق موفق بالنسبة للمرة الأولى و في كل مرة تخدميها أحسن باش يديك توالف شكرا لك