السلام عليكم اختي شوفي حنونة والله والله والله صدقيني حتى حتى لو طلعتي لسابع سماء وانزلتي لتحت سابع ارض وحتى لو لفيتي كل الدنيا وسافرتي لاعظم الملاهي وارقى الاماكن تبقي هكذا ما يتغير فيك شيء .تعرفي علاه لان مابك ماهو لا نتيجة الصدمة الي راكي تهدري عليها لا نتيجة التشويش العقلي ولا هم يحزنون السبب الى راهو مخليك هكا ومخلي شباب كبير بنفس احساسك هو البعد عن الله وترك الصلاه صدقيني والله ماتحسي بلذه الحياة حتى لو عندك حبيب يعبدك تقعدي تحسي هكاك ومايتغير فيك شيء .الحاجة الوحيدة الي تردلك الطمانينة والاحساس بالامان النفسي والابتعاد عن الافكار الشيطانية كي الانتحار هي العودة الى الصلاة
يا اختي انت قاع النهار ماتتاصليش بالله ..انت قاع اليوم ماتتكلميش مع الله ...انت مخاصمة الله ..امالا يا لالا مولاتي منين رايحا تجيك الطماننة وراحت البال ؟؟؟؟
شوفي حنونة هذاك النعاس ماهو الا الشيطان يوسوسلك .شوفي حنونة كي تقريكلماتي هذي روحي اغتسلي واتوضي واحمي السجادة واتوجهي للقبلة وابدي الصلاة ...الشيطان رايح يجيك .والنعاس رايح يجيك ..اتخيلي الشيطان انسان لازم تتغلبي عليه .اقعدي واقفا وكملي الصلاة واسجدي واركعي ونوضي هذو غير 4 ركعات ماشي صلاة التراويح تقولي نعست وجاني الرقاد!!!!!
كي تكملي التفتي وقولي خلاص غلبت وحسي بنشوة الانتصار على الشيطان عند كل اذان اعملي نفسك اني في مسابقة تحدي مع الشيطان وصدقيني رايح تغلبيه وهكا تتعودي على الصلاة
اما الصدمة الي راكي تهدري عليها يا الحنونة والله ضحكتيني يا الحنونة راكي في 18 من العمر يعني في اول الطريق نتاع الحياة مازال الخير للقدام ومازال الحياة قدامك ذكا خمي في دراستك ومستقبلك واخطيك من كذب الشباب والله راهم عاملين البنات الا لاشباع نزواتهم والتسلية ونهار يحبو يتزوجوا معظمهم يقولوا لامهاتهم يخطبولهم او يخطبوا وحدا ما تعرفوش عليها
والله يا الحنونة حتى ولو يرموك وحدك في جزيرة خالية كي يكون معاك الله عمرك ماتحسي بالوحدة ولكن انت راكي مخاصمة الله فكيفاه حبيتيه يكون معاك؟؟؟نطلب منك غير تصلي برك وشوفي التغيير الي رايح يصرالك وارواحي خبريني حنونتي .وفي الختام نقولك
لـ تعلم أن الله يغار على قلب تعلق بغيره،فيصدٌك عن ذاك لـ يرٌدك إليه ..♥~~الامام الشافعى
،،،