[مريم تعود]

المشاركة الأصلية كتبت بواسطة ريمة89

السلام عليكم اختي مريم المنتدى بلا بيك ماعندوا حتى بنة الحمد لله على رجوعك
انا عن نفسي في الدنيا هدي خسرت اعز انسانة عندي وهي اختي وهي خسارة نقعد طول حياتي نبكي عليها وعمري ماراح نشفي جرحي منها
اما فالدنيا انا عن نفسي كنت نقرا والحمد لله كملت قرايتي تزوجت لم اخد ولا دقيقة باه نكون حرة خسرت طموحاتي و شبابي اللي راهوا يدبل فالمنزل بالرغم من اني تزوجت بالشخص اللي كنت نحلم انني نتزوج بيه الحمدلله وقرايتي اللي سهرت عليها ساعات نقول ياريت قعدت لكن لما نشوف الواقع نحمد ربي اللي تهنيت من كلش وراني مخبية في داري ونستنى فالمولود ديالي ان شاء الله
من جهة خسرت الدنيا هدي بما فيها من زهو وطيش شباببكل ما يحمله من اخطاء ووقعت في واقع الامومة والزواج والبيت والمسؤولية ...................وخلي برك
لكن كل يوم نحمد ربي ونقول الحمدلله على حالي لنه احسن بالبزاف من عدة بنات فالوقت اللي مايرحمش ومافيهش النية
شكرا على الموضوع ان شاء الله نكون ماخرجتش على سياق الموضوع
لكن الحمدلله ربحت راحة بالي

السلام عليكم اختي ربي يخليك كلامك فرحني بزاف ربي يطلعك على خير وتجيبينا الطمينة والله يا اختي راكي مهنية نعم الحياة زوج تحبيه ودار وسترة وبيبي والله راكي في نعمة قولي ألف الحمد لله يا رب وتهنيتي من حياة العزوبية والشباب والطيش ربي يوفقك ويسعدك مع زوجك و تولدي بخير وحقي نتاع الطمينة بلاكي تبلعطيني هههههه موفقة شكرا