السلام عليكم
اخي ان شاء الله تكون مليح
بارك الله فيك على الموضوع
حبيت نقول بلي المرأءة خصوصا ماتخدمش هذي الخدمة غير كي تتسكر في وجها جميع البيبان ولي تخدم هذي الخدمة او لي اموا تخدم هذي الخدمة نرمالموا مايحشمش لازم يحشم لي ديما مكالي لحيوط و يعس في الناس و لا لي يتكل على ناس باش ياكل و يشرب و يلبس و لا لي يطلب باش يعيش و هو لوكان يضرب الحيط يكسروا
لي تخدم هذي الخدمة تلقاها تستبن بالماكلة لا كلاتها و اللبسة لا لبستها خاطر جابتها بعرق جبينها
نعرف واحدة تخدم هذي الخدمة في ادارة عمومية و الله انسانة رائعة و ام اروع و محبوبة من طرف الكل و رغم المشاكل لي تعاني منها و كبر سنها تلقاها ديما تضحك و فرحانة و ديما حمدا ربي
تغيضني في حجا انوا رغم انها كبرت ولادها بعد ما توفى رجلها و زوجتهم اولادها مزالوا لدوك متكلين عليها في كلش هي لي لازم تسلك تريسيتي و الماء واحد ماقدر يقلها بركاي خدمة راكي عيتي
و كلامي هذي ينطبق ايضا على عمال النظافة و التطهير كيما قال الاخ عبدو والله هذوا ناس لوكان نعرفوا المشاكل لي راهي تواجهم و المخاطر لي راهم يتعرضوا ليهم و الله نحطوهم فوق راسنا
ورغم كل هذا نلقاو ان اجرهم هو الاقل و خاصة بالنسبة لنساء
دمت اخي في رعية الله و حفظه