اقتباس:
المشاركة الأصلية كتبت بواسطة soso sirin
والله غير مرات نسمع بشي زواجات نتخلع نقول هاذيك تزوجت بهذاك و نقول واش خلاها دير هكا ديجا وحدا نعرفه نيشان تزوجت بواحد هي نيفو عليه قاتلي انا المهم يقدر يبنيلي دار و يصرف عليا و رايح يسكني وحدي قعدت نخمم معنتها ممكن يجي نهار علاجال الدراهم و لا السكنة لوحدي نتنازل و نتزوج وخلاص سوغتو راني نشوف فيهم صغار بزاف و تتزوج بواحد كبير عليها بزاف علاه لانو راح يعيشها مليح مانكذبش عليك خممت فيها و زاد من الهدرة تاع الهم تاع الناس الوقت الي راه يفوت راه من عمرك الناس الي راهم يجو ضروك ماراهمش رايحين يرجعو مرات والله نضعف و نخمم مي مانقدرش عندي حوايج في راسي مانقدرش نتنازل عليهم و الزواج مكتوب و اذا ربي راه كاتبلي نتزوج رايح نتزوج بالشخص الي باغياتو ماشي كاتب هو عارف علاه .و زاد اكثرية الزيجات المبنية على هذا التفكير راهم يطلقو.و انا عارفة روحي كون نتزوج خلاص رايحة نعيش معاه حياتي كامل على هكا كاين حوايج مانقدرش نتنازل عليهم و هذا زواج ماشي لعب سوغتو المستوى لتعليمي اما الحالة الاجتماعية راح نصبر معاه.و الي فيها الخير ربي يجيبها ان شاء الله .
|
نتمناو ليك تلقاي اللي فيه الخير ...ويهنيك و يسترك ....طبعا ما تنساوش تقولولنا برك ....