الكهول هادو ماخلاو والو لشباب مساكن الخدامة داوها والصغيرة داوها والشباب واش بقالهوم ربي يكون في عونهم هههه
انا ضرك نجاوبك على الموضوع
الراجل كي يزوج الثانية خدامة لانو شايفها مراة مودارن مي لخرا لالا وهي راح تعيشو خير من لخرا هادو رجال اخر زمان
ولمراة كي تكبر لي يجيها تقبل بيه لانو تخاف تقعد وشكون لي يهزها المهم تروح دير دارها وخلاص مايهمهاش الفارق التعليمي ولا الاجتماعي وزيد لبنات عادو يقبلو بواحد اقل منهاب8 سنوات يعني صغير عليها بزاف هادي جاتهوم نورمال وبنات هاد لوقت عادو يتنازلو بزاف
وانا مايهمنيش الفارق الاجتماعي ولي يهمني الفارق التعليمي لانو راني شايفة بزاف بنات هوما لي متحملين مسؤلية تعليم ابنائهم انا باش يطيشهوملي نقريوهم لالا شوية ليه شوية ليا وزيد الراجل كي يكون قاري يكون طموح ويكون قد المسؤولية هادا رائي وتقبلو مروري شكرا