[مريم الصابرة]

السلام عليكم موضوع رائع نتمنى كل من يدخل يحط عادات منطقتو
في منطقتي تتم الخطبة يجلب الخاطب مع اهلو الخاتم والتارت والورد ولما يتفاهم ويعطوها الخاتم تلبسو ومن بعد كان يديرو ملمة رجال ويسموها قطيع الشروط ومن بعد كان دارو حفلة نتاع الخطبة راهم يجيبولها الملابس والذهب ومبلغ المهر كان العريس ما زال ما وجدش دراهم المهر عادي يجيب الخواتم فقط ويلبسوهم وهذي للإشهار باللي راه خطيبها
ومن بعد يحدو يوم الزواج والعروسة توجد وهو يوجد روحو نهار العرس قبل العرس بيومبن يدولها الكبش ةمعاه الطعام والسمن والخضر ويجوه نسا كبار او الرجال فقط ويوم العرس عادي حفلة للنسا وهو العريس يدير سهرة لصحابو نهار من قبل ويدير الحنة نتاعو أيا ومبروك عليهم والعقوبة للي مازالو شكرا