[ZINA DZ]

و عليكم السلام

أنا لو كنت مكانك نرجع ندير علوم تج
فمعاناتي تشبه معانتك فأنا أيضا فررت من العلوم :
أنا كنت حابة ندير رياضيات و لكن ما كانش في الليسي يلي نقرا فيه
و قالولي كي ديري رياضيات رانا نوجهوك الى الليسي .......
و هذاك الليسي بعيد ياسر يعني لازم نروح طرونسبور و مع أهلي نورمال مش مشكل بصح أنا قعدت متردد فاستشرت استاذتي قالتلي بلي قرت في هذا الليسي و قرت فيه و قاتلي مش مزيرين على التلاميذ و الأساتذة مش فور و مباعد زدت سألت أستاذي تاع الفيزيا يقيم في ذلك الليسي( لأنه مش من ولايتي) قالي أحيانا نشوفهم صح مش مزيرين عليهم و قالي " أنا ضحيت شعبة الرياضيات " قالي بقدر ما بذلت من مجهودات و تحصلت في الباك معدل أكبر من زملائي تاع العلوم و لكن اختياراتهم كانت افضل مني و لكن ماذا يفيد الندم
و زيد قالي في شعبة الرياضيات لوكان طيحي في الفيزيا و الرياضيات راحت عليك و لكن في العلوم تج عندك 3 مواد معاملهم قوي بمعنى مادة تعوض مادة
و في الأخير درت علوم و عزمت على أن لا اهرب منها و ان اتحداها و نخصص معظم وقتي للعلوم حتى نولي فيها فور ان شاء الله

بالتوفيق لك و تقدر دير صلاة استخارة راح تعاونك ياسر