مادرتلك والو يا حتى تشكريني راني قاعدة غير نهدر برك
سبحان الله عندك نفس مشاكلي الرياضيلت و الفرنسية
الرياضيات اسههههل من الفرنسية بالنسبة ليا بعد التجربة نتاعي فالباك
الرياضيات ساااهلة شوفي يا ختي انا درت ليكور فالرياضيات عند
استاذ رووووووووووعة مي انا اللي حمارة و ماكملتش معاه درت الشهر الاول و حبست من بعد رحت عند واحد اخر و قبل الباك بشهرين رجعت عندو واكتشفت بلي راهو مليح فوووووور
كان المشكل فيا انا لوكان ركزت شوية برك كنت نجيب 18 فالباك مي الله غالب ظروف
عمبالك هو واش يدير المراجعة نتاعو هي اللي جاتنا فالباك تخيلو نفس التمرين (كامل)جانا فالباك
الارقام برك تغيرت
مي كيمة قتلك ظروف
ولكن الحاجة لمليحة انو بقالي الكراس تاع المراجعة نتاعو
ومنظم السوجي و الحل نتاعو واحد ل-مواضيع نموذجية
ان شاء الله غدوة نقول للدار يخدمولي السكانار باش نحطهملك
مادام ضعيفة فالرياضيات و صدقيني راح يفيدوك لوكان تحليهم كامل
اما الفرنسية واش نقولك عليها
هي حاجة ساااهلة ومافيها والو
(لكن انا و ياها زوج)
كاين اساسيات تهزيهم برك
روحي للموضوع هذا بالاك يفيدك
https://www.djelfa.info/vb/showthread.php?t=1077268
والفرنسية فالباك مالا واش درت (على خدايمي الباهيين)
عدنا نص ساعة تاع اختيار السوجي و تبالي زوج سوايع و نص للاجابة
مالا انا قعدت نص ساعة هاذيك نقلب فالورقة منا و منهيه والو عييت نخير
فاتت نص ساعة زاد فات شوية وقت حكمتني الخلعة نتاع لازم نخير و فرات
خيرت السوجي الاول وقعدت نحل السؤال اللي مانفهموش
نفوت نخليلو بلاصة هكاك هكاك لقيت روحي جاوبت على الاول و التاسع برك و الباقي مافهمتهمش
وزادت الخلعة من بعد قررت نبدل السوجي
والمشكل انو فاتت ساعة و ربع و بقاتلي غير سعة و ربع يعني نص الوقت
درت الكوراج و قلت للاستاذة جيبيلي ورقة اجابة و يا ليتني لم اقل لها
حكمتها الشهقة و الخلعة في بلاصتي دارتلي (ايييييييييييييييييه علاااااااه تعاودي راهو فات الوقت علاه عليك هكا)
انا هاذيك اللحظة الدنيا تدور بيا و نشوف كلشي دوبل
لثمة خلااااص خلصلي الاكسجين و زادو كامل يشوفو عندي و انا نقعد الاولى فالطابلة خلصت من الخلعة مالا كي جات الورقة بقالي الوقت ساعة برك و النص من الخلعة مافهمتوش واش درت و الله العظيم و الله العظيم نجاوب باتمون
ماعلاباليش واش نكتب نخرف نخرف نخرف و السرعة 10000000 م فالساعة
جاوبت على كلشي (قصدي عمرت الفراغات كامل)
و كملت الcompt rendu
انا كملتو و درت نقطة النهاية الوقت كمل و صوناط
كلشي يرجف فيا كي خرجت عجبك المورال عالي و الدار قلتلهم خلييييييييتها و راح نجيب فيها
2/20 اذا عاونوني فالتصحيح
وتخيلي شحااال جبت جبت فيها 11/20 اعلى علامة نجيبها فالفرونسي فالثالثة ثانوي كانت فالباك
اذن من عندي راهي ساهلة ماديريش كيمة انا
اولا ماتخلعيش خلااااااااااص و قراي النصوص و حاولي تفهمي من بعد خيري و كل سؤال اعطيلو حقو هاذا ماكان
انا و الله ماراني نخلع فيك مي راهي ساهلة ركزي برك
(كي ديت انا 11 فيها ماتخافيش خلاص اذا كنت انا الحابسة و جبت هكا نتيا شحال تجيبي هاي باينة 15
والادب راهي ساهلة انا كنت نموت عليها فالثلاثيات نجيب 15
و فالباك جبت 11.5 مافهمتش علاه عليها غاضني الحال منها شوية
لكن المشكل مني هاي باينة و نتي ماتخافيش خلاص راح تجيبي فيها 16 ان شاء الله
ولكن اذا قريتيلها مليح برك راجعي هاذ الملخص اللي درتو العام اللي فات
https://www.djelfa.info/vb/showthread.php?t=903630
وللاسف ماقريتش منو مليح و لكن اذا نتي قريتو منو مليح من اول العام و حاولتي تفهمي المعلومات اللي فيه صدقيني بربي تجيبي 16 فيها و ماهيش واعرة
حتى الاعراب كلين اللي تحفظيه
ماشي را تجيكم حاجة خارقة كلشي راح يفوت علم اثناء العام الدراسي ركزي برك
ونصيحتي ماتقوليش حابة نجيب 10 برك فالادب
لا لا خلي كرشك كبيرة و كوني طماعة فالعلم قولي بربي نجيب فيها 16 باش اذا قدر ربي
تجيبي 14 و لا 13 دايما تخدمي على اعلى نقطة
ونحي نبرة التشاؤم و قولي مانجيبش 10 فالادب نجيب 16 علاه اللي يجيبوها خير منك
(غلبت من لكتيبة غدوة نكملك)
سلام