والله مالقيت مانقلك يا ختي مي مهما قلنا يبقى باباك مليح دوني راه باباك .الحاجة الوحيدة الي نقدر نقلك عليها ايفيتوه باه ماتقلقوهش و مايبداش يعيط و كي يولي ينبش على المشاكل بعدولو من الطريق.و هاذي الكلمة تاع الطلاق ماتقوليهاش كامل في رايك انتي امك راهي فرحانة بهذا الوضع باينة لالا امالا ماتزيدوش عليها لانو كون راهي عارفة الحل فيها كانت دارتها يا اختي ماشي مستنيا ولادها يرايو عليها مهما صرا مادخلوش رواحكم بيناتهم و مهما يكون راه باباك و كي تشعل بين امك و باباك خرجي انتي و اخواتك من البلاصة الي راهم فيها و بعدو عليهم لانو انتي راكي كبيرة و ماحملتيش امالا خواتك واش راهم حاسين.والله كاين حالات افضع منك .انتي على الاقل صبتي ماماك و الي ماعندو حتا واحد .مهما هدرت مانيش رايحة نخفف عليك لانو كي تجي من الوالدين و كي يكون التوتر في الدار والله شوية بزاف مي ماعليش بلاك باباك يكون تربيتو هكا ماتقدريش تبدليه.خممي في امك لانو راهي تحملت على جالكم على هكا لازم تقراي و ربي يهدي باباك و يهنيكم اختي.