اقتباس:
المشاركة الأصلية كتبت بواسطة ام هبه
hكيفاش تتقنيهم به>ه الدرجة الانحناء او الاعوجاج... Mقداش يقصلك من حبة كيلو تاع اللوز بالنسبة للمخبز قداش السكر مقابل اللوز .وقداش يكون السمك تاع المخبز قبل الطياب واعطيني قلاساجك.وسؤال اخير.راني اسمطت اللوز غير اليوم .لازم نستنى حتى ينشف اللوز واللا نرحي برك ونخدم لانو راح يتبل اصلا بماء الزهر .وانا راني مزروبة شوي .ا>ا حطيتيلي الصفة راح نخدمو اليوم او غدا كحد اقصى .واسمحييييييلي.عالاسئلة الكثيرة .وربي يجعلها في ميزان حسناتك ان شاء الله.ويحفضك.
|
بالنسبة للرشامات لازم تكون يدك خفيفة و موالفة ترسمي من البعيد باش يرقاق الخط لازم ماتقربيش بزاف من الحبة.
بالنسبة للعبار تاع اللوز و السكر ديري 3 عبارات لوز + عبار سكر عادي
و السمك تاع المخبز يكون 1 سم او اقل حسب الرغبة
و القلاصاج حطيت الوصفة قلبي الصفحات
ايه لازم اللوز ترحيه كي يكون ناشف مليح باش يترحا جيدا و اذا تستعمليه في الحشو تاع التشاراك مثلا تقدري ترحيه مشمخ شوية خاطرش رايحة رايحة تلميه بالماء الزهر كيما قلتي
بصح اذا تستعمليه للمخبز لالا لازم يكون ناشف مليح خاطرش رايحة تحكميه بالبيض الكامل ماشي بالماء الزهر
اي وصفة تريدينها حددي
الله يسلمك اختي بلا مزية