السلام عليكم ورحمة الله وبركاته
اليوم حاب نحكيلكم قصة طريفة لي كي فوت البيام bem ايا رحت نفوت
طاح معايا واحد من العامرة ( بلدية في ولاية عين دفلى) وصراحة حرت فيه
ايا بدينا نفوتو ملي ندور ليه نهدر معاه كاش ما عرف ولا حاجة يديرلي اشارة بيدو بلي ما راهو عارف والو
ويقلي ربي يجيب هههههههههههههه
وفي اول بداية مادة يولي يكتب كامل الاسئلة اللي يشوفو يقول هذا عارف كلش ههههههه
يكتب الاسئلة بسرعة ويخلي مكان للاجابات
ايا في مادة التاريخ والجغرافيا عطاولنا تواريخ ومن بينها 1937
أنا ما عرفتهاش هذي يعني كي قالي وريلي وريتلو والله كلش واش عرفت
غير 1937 اللي ما وريتهالوش وغطيتها بيدي باه ما يشوفهاش
وهو قعد يقولي بعد يدك 1937 ماهيش تبان مليح هههههه وانا نقولو ياودي غالطة
مكاله تديرها هو يقولي معليش وريهالي انا وريتهالو ووالله دارها كيما انا الاجابة
والى هي
.
.
.
.
.
.
.
.
.
.
.
.
.
.
والله كتبتها ( تأسس فريق اتحاد العاصمة لكرة القدم)
ههههههههههههههههههههههههههههههه
لكن سؤال بلميز هل عطاولي عليها نقطة ولالا لان فريق اتحاد العاصمة تاسس في 1937
هههههههههههههههههههههههههههههه
ملاحظة نتمنى من الاعضاء يجيبو شوي جديد وقصصهم
لان والله كرهنا من كثرت نقل من المنتديات والمواضيع المكررة
وانا رايح نولي نديرلكم مواضيعي اما قصص لي او من خيالي الواسع
ههههههههههههههههههههههههههههههه
