شكرا على ردودكم ليا
الحمد لله و بشهادة الجميع ماني مقصرة معاه في حتى حاجة في البيت
و عمري مارجعت عليه الكلام لاني اصلا تربيت على هاد الشي
كان كل مايعيط انا نسكت و نروح نخليه
و لكن الفترة الاخيرة مانكدبش ماوليتش نقدر نصبر
خصوصا انو يعيط بلا سبة مرات
و احيانا يتهمني بحوايج مادرتهمش و ندافع على نفسي و نجاوبو
و لكن هو قاللي راكي تجاوبيني!!!
حبني كي يتهمني نسكت باه تلصق فيا التهمة ؟موحال!!؟؟
اخرتها اتهمني اني رفدتلو دراهم من الخزانة و انا والله شاهد عليا مامسيتلو
بهدلني و ضربني و في الاخير لقاهم في بلاصة تانية
حتى كلمة سمحيلي مايقولهاش و يجي كي شغل ماصرا والو
انا ماتربيتش هاكدا و مانحبش اللي يضلمني بلا سبة
انا من نهار تزوجت ماعيدليش!!! و عمري ماقتلو واش حب كثر من هاكدا؟؟
الله يهديه و الله انا عياتني هاد المشاكل
مرات يقعد بالسمانة مايهدرش معاياخلاص
و حتى ماكلتي ماياكلهاش
ينوض من الصبح مايولي حتى لاخر الليل
حرت معاه