على فكره انا واحده من الناس الى كنت لاخر لحظه فى الانتخابات رايحه عشان ابطل صوتى
لانى مكنتش عايزه رئيس اخوانى ولا شفيق
بس بعد تفكير وعصر مليون ليمونه قررت اختار مرسى
ونديله فرصه يثبت حسن نيته وان رئيس لكل المصريين وليس رئيس يمثل جماعة الاخوان المسلمين
وعشان دا يحصل مش لازم كل شويه نهاجمه لا لازم نديله فرصه خصوصا اننا عارفين انه مش علاء الدين ومعاه مصباح سحرى
يعنى من العدل نديه فرصه يشتغل عشان لما يقصر نقدر ننقده بس وقتها هيبقى نقد ليس لمجرد النقد
دا بس توضيح عشان محدش يقلى انى اخوان اساسا انا ضد الاخوان لكن مرسى الان رئيس لكل المصريين
فالاحسن والافضل ان البعض يثبت حسن نيته ويدعى لمصر وشعبها وجيشها ورئيسها بالتوفيق