[BAROUD]

المشاركة الأصلية كتبت بواسطة soso sirin

و الله نقطة مهمة جدا.تتخيل انو النظافة في ليكولات راهي منعدمة حدث و لا حرج و المسؤول ماشي غير عمال النظافة الي ماراهمش يديرو في خدمتهم والله غير الخداما و التلاميذ يتحملو جزء من التبهدايل واحد يشرب القهوة و يقيس الكاس تاع جوتابل في لاكوغ لخرى تاكل العلك و الحلوى و لا ورقة كانت دايرتها في الصاك و تتمشى .و مانحكيلكش علىنهاية العام تتخيل انو لاكوغ و قدام الباب تولي بيضا تحسب الثلج علاه لانو الذراري كامل يقطعو كراساتهم للتعبير على الفرحة .النظافة و الله جاية من التربية معنتها الواحد كي يتربى على النقى و المحافظة على دارهم نقيا و كي ياكل مايقيسش الماكلة و لا الوسخ وين جات رايح يكبر معاه هذا الشي و يولي في الزنقة و نقي و العكس صحيح .مع كل احتراماتي للجزايرين و انا راني منهم مي ثقافة النظافة منعدمة عندنا

اختنا سيرين متشرفين بك و برايك و حبيت نقول انو النظافة مسؤولية الجميع و لعلمك ف اليابان انو عامل النظافة يسمئ ف الوظيف العمومي عندهم بمهندس الصحة و البيئة و عندنا خلي البير بغطاه و من جهة اخرئ ثقافة الحفاظ علئ المحيط تبدا من البيت و روح للمدرسة و المسجد و البيئة القريبة ثم محيط المنطقة ككل اما هذوك اللي ياكلوا و يرموا الاوساخ ف بالهم هي حضارة و الله غير عكس الكلام تماما هو التخلف بعينه لانو و علاش تخلي عامل نظافة يتعب و يعيا من المفروض تعاونوه و تعطوه وجه الميعاد و الكلام الطيبلانو حتئ هو عنده عائلة و شرف و حب للوطن ووو
و ديننا يحرصنا علئ محافظة علئ الجسم و المكان اللي نعيشوا فيه باش نبقاوا ننعموا بصحة و نقدروا نعطوا الاحسن للبلد و كما يقولك النظافة من الايمان
هكذا اختنا
سلامتك