بسم الله الرحمن الرحيم
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا
أنت عمرك جربت معيشة الضنك ؟؟؟
يعنى إيه أصلآ ضنك !!
الضنك ده أعوذ بالله أنك بتكون كل حاجه فى الدنيا حواليك
وانت مش حاسس بأى راحة
بتكون حاسس بخنقة كده فى صدرك
وقلبك مش قادر تاخد نفسك كويس
وحاسس ان الدنيا كلها وحشة
وتلاقى قلبك مليان أمراض من حسد وغل وحقد وغيره وغيره ومش حاسس بأى طعم للسعادة
ياترى عمرك حسيت الضنك ده !!!!
ماهو ربنا بيقول فى الايات "ومن أعرض عن ذكرى"
يعنى لما متذكرش ربنا
لما تقصر فى حق ربنا
لما تهجر القرآن
طيب ليه أنت تعمل كده ...ليه ياأختى تعملى كده
مش هقولك أنك عاوز تسعد فى الأخرة !!
ده أنت عشان تكون سعيد فى الدنيا
لازم تذكر ربك
لازم تسبح
لازم تحمده
لازم تستغفر
لازم تقرآ القرآن .....
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا