السلام عليكم هدي اول مشاركة لي ارجوا ان تقدموا لي النصيحة انافتاة ابلغ 25 سنة لدي شهادة ماستر والحمد الله من عائلة متوسطة في احد الايام تقدم لطبتي شاب اعجبني لرايته لاول مرة فكان الرجل التي كنت احلم به وخالتوا هي لي قاتلوا عليا المهم جاء هو ويماه وخالاتوا يماه كانت فرحانة وعجبتها هو فان خرجت يماه شراتلي الخاتم وطايور بقات ثلاثة ايام للفاتحة قاتلي يماه نجي تقسي طايور كي جات جابت بنتها لي شافتي اول المرة المهم كي قست طايور ماجانيش شباب وسباط جاني كبير كي راحت لدار قالتاوا اختوا ماعجبتنيش بطل عيطت خالتوا قالت خلاص غاضتي عمر ي لدرجة عندها هدي 6 شهر راني نكتب ونبكي المهم انا حمدت ربي لان ماخرجش معايا راجل مع انوا باباه قال بابا يسكن واحدوا هو لي بقي مع يماه قلتلوا والله مانحيلها وليدها ونسكن معاها وديريها يما المهم ماشي هدا و المشكل درك لي يجي يخطب وليت نخاف البارح جاء واحد لخطبتي غير هو لي بقاء مع يماه يعني نسكن مع دارهم بابا راه خايف لان اختي عند العجوزة وابدات المشاكل بيناتهم هو يخدم سماسري يبيع سيارات ماعجبتنيش خدمتوا ماراهيش دايما هو انسان عاقل المشكل ان المستوي الدراسي هو حبس في المتوسطة وانا كملت جامعتي خفت مع الوقت ولي مشكل انصحوني راني خايفة نقبل وابعد ماتصدقليش وندخل في صراع مع نفسي سوختوا لي راهي قرية ومتزوجة مع واحد ماقراش الا كان عندهم عائق وادعوالي ربي يجازيكم وارجوا تعاونوني وتنصحوني