[nouredino]

المشاركة الأصلية كتبت بواسطة staifia

السلام عليكم ....

طرحت هذا الموضوع لأسباب كثيرة ومشاكل لا تحصى من واقعنا الذي نعيشه ....
والله عييت نفهم مقدرتش نفهم و نستوعب البنات كيفاش راهي تفكر ,,,,
كنت نسمع برك كي يقولو البنات لي يعيشوا في دار والديهم قدهم قد حالهم وبعدها الطفلة كي تروح لدار راجلها يكون لاباس بيه يتخلعوا ويتلهفوا على الخير لي شافوه ,,,
لكن مع الوقت تأكدت بلي صح كاينة منها ,,,, وعن تجربة تاني

المشكل اللي راه مقلقني و راني مشوكية منو ......
علاش االطفلة زعما كي تكون شابة تتخلع في روحها وتحب تمشي الكل على عقليتها خاصة لراجلها ...
تعرف غير تهد و تتقلش والخدمة ربي يجيب .... متخممش في راجلها وتحاول تبني دارها بالعكس ما يهمهاش
غير انها تصرف وتلبس و تزيد تدي لمواليها ,,,,,
ما يهمها لا عجوزها ولا راجلها ,,, كي تشوف الخير تهبل والله ومتقلوليش على التربية وكيفاش تربات وكل واحد كيفاش كان في دارهم .....

هل الجمال وسيلة لكسب الرجل و تغيير افكاره و مبادئه لدرجة افلاااااااااااااااااااااسه او بعبارة اخرى "ترويض الرجل " ,,, .؟
هل هذا يعني ان البنت تزوجت لغرض معين ,,, ام انها بسبب الفقر الذي عاشت في بيت اهلها تعوضه في بيت زوجها ..؟

إلــــــــــــــــــــــيكم الخــــــــــــــــــــــــــــــط ...

تــــــــــــــــــحيــتيِ

لي تتربى على الجوع هي لي تسرق نعرف حالات وين المرأة تسرق حتى المغارف والصحون من دار راجلها وتديهم للدار والديها يعني تفسد دار راجلها باش تعمر دار والديها ,,,وكاين حالات وين دار المرا يعمرو دار راجل ويعاونوه ,,,الناس طباع والراجل حسب رايي هو المسؤوول الأول الواحد يلزم وين يحط رجليه ,,,ربي يسترنا من بني كلبون