[ريمه]

سلام عليكم
هادي المره رايحه نحط وصفة القلوب بالشوكولا وصفه سهله اقتصاديه و بنينه بزااااااااااااف خديتها من عند ماما
بلا ما نطول
500 غرام زيده طريه
500 غرام نشا
5 صفار البيض
شوية فانيليا
300 غرام سكر بودر
شوكولا وعجينة اللوز و المربى للتزيين
الفرينه على حسب العجينه
اثنين تاع خمارة حلويات
نجيبو 500 غرام زبده و نخلطها مع 300 غرام تاع السكر مطحون و من بعد نضيف البيض وحده بوحده و نخلط مع الفانيليا
نضيفو المايزينه او النشا و نزيدو نضيفو الخميره تاع الحلويات و الفرينه لتتكون العجينه
شكلي منها اي نوع بغيتي انا درت شكل قلوب
خليهم يطيبو من بعد خرجيهم و غطسيهم في الشوكولا اعملي جهة بالشوكولا و جهة خليها بيضاء لصقي وحده مع وحده بمربى المشمش و من بعد زوقي بالشوكولا من فوق و اعملي وردات بعجينة اللوز
وهدا شكلها الاخير يوضح كلشي