اقتباس:
المشاركة الأصلية كتبت بواسطة djima
صباح الخير خياتي نتمنى تكونو ملاح
عندي اختي راح يخطبوها بصح عندها مشكل راهو مقلقها بزاف لاخطرش كي كانت صغيرة تحرقت من يدها بالماء السخون و بقاولها اثار الحروق و مشوهينلها يدها بزاف لدرجة قالتنا كي يجيو يخطبوني ما نقبلش و ما نحطش روحي في موقف محرج باش نحكي قصة حياتي قع
هي راحت شافت طبيب تاع الجلد قالها ما نديرلكش عملية تجميل لاخطرش خطيرة عليك بصح نحيلك الاثار بواسطة الليزر و سعر الحصة الواحدة مليون و كي طلعنالعا شحال تسقام كومبلي خرجتلها واحد العشرين مليون هدا قاع و ما يروحوش الاثار نهائيا و انما ينقصو شويا
حنا عائلة بسيطة ما قدرناش على هاد التكاليف الغالية بزاف علينا
كل واحدة تحط روحها في بلاصتها و تقولي واش تدير...
|
اقسم لك بالله العلي العظيم انو هاذ المشكل نفسو نتاع بنت عمي وزايدة ثاني 1993 يعني صغيرة والمشكل ذراعها كامل راح وكنا كامل نخمو عليها وذرك برحمة ربي الرزاق الوهاب راهي في الشهر الثامن وقريب تولد
إن شاء الله على خير وزيد عايشة الله يبارك في واحد الدار تقول قصر مع واحد الراجل الله يبارك ما تقوليش كامل واش الدير خاطر ما كي بلاها ربي سبحانو غير امتحان في صبرها لخاطر الصابر ينال ومتنسايش المومن مصاب ونصيحة انها تحمد ربي بزاااف ليل ونهار على الحال لي راهي فيه خاطر راهي في نعمة كبيرة خصوصا اذا كانت صابرة .والرزاق ربي واياه نعبد واياه نستعين لا الاه الا هو الرحمان الرحيم