أهلا بيك اختي الكريمة
معاناتك هيا الوسواس
والوسواس هاذا يحكم بزاف ناس
يجيهم من باب الخير والنصيحة
ابليس كي مايقدرش يغرك بالمعاصي ينوعلك يجيك من باب الخير والنصيحة يقلك راك ماقفلتش العين راك ماسكرتش الباب ويخليك موسوس
زعما ينصح فيك
وكيما يديرلك راك خليتي السيشوار مشعول وو يخليك موسوسة ويعقدك وقادر يهبلك
الحل الوحيد للوسواس انك تفوتيه وماتلتافتيش ليه قالك خليتيها مشعولة قوليلو هيه وخلي تتحرق الحالة
مادامك نتي متاكدة بلي طفيتيها خلاص ولو يجيك في بالك بلي ماطفيتيهاش لازم تفوتي لحكاية
هذا حلك الوحيد اما انك تبقاي موسوسة وترجعي تشوفي وتفيريفي هنا ماراحش ترتاحي