السلام عليكم جميعا صحا فطوركم اختي فلال موضوعك هايل وبالنسبة لردودنا انا المنتدى راه دارنا واللي فيه خاوتي وخوتاتي ولما نحط رد ونحكي مع شاب او نتكلم معاه اولا عارفة باللي الكل راه يقرا وثانيا عارفة الشاب هذا راه خويا حتى وماكانش خويا الحقيقي لكن محترمني وانا محترمتو وين المشكل لما نكتب رد او يكتب رد في موضوعي ولما ناقشو فيه صح المنتدى فيه قوانين ونحترموها ولكن مرات بلاما نفيقو ندخلو في كلام وهو يكتب وانا نرد علاه تولي إسمها دردشة الدردشة تعريفها هي التكلم بصوت خافت بين إثنين او جماعة وإحنا واحد ما راه يشوفي في واحد ربي العالمين يشوف فينا وراه كل واحد يجي هنا يحط همو ويسمع هم الناس ويتعلم
اكيد معانا مراهقات ونحترموهم وماذا بينا نكونو قدوة ليهم لكن من فضلكم انتم كمشرفون لا تنظرون إلينا كأننا نبحث عن الدردشة او اننا هنا لنتعرف اكيد نحترمو خدمتكم ولولاها لما كان المنتدى احسن منتدى لكن بعض الثقة جيدة وراكم معانا شاركونا مواضيعنا لما تشوفونا اخطأنا اكتبو رد معانا ووجهو التنبيه للكل وفالموضوع مع الشرح ونتقبلوه بصدر رحب
اختي فلال بارك الله فيك وايضا بعض الأعضاء من فضلكم من فضلكم إحترمو البنات هنا رانا محترمينكم جدا جدا جدا وفوق الراس والعين لكن كاين ردود والله عيب تقال لفتاة وتناقش معها الموضوع بتلك الطريقة عيب شكرا وبارك الله فيكم