[sarl02]

المشاركة الأصلية كتبت بواسطة ghada91

تقلقت حتى وصلت لدرجة اني نبطل و نقعد فالدار و خلاص

ربي يهديهم

شكرا على النصيحة

علاش دايمن البداية صاعبة بزااااااااااااف؟؟؟؟؟؟؟؟؟؟

سنة الله في خلقه يا اختي ....اولا انت كنت في عالم الماكثات والان اصبحت عاملة ماشاء الله و معلمة يعني ربما نفسيتك ما كانتش مهياة كما ينبغي للوضع ...ثانيا انت كنت خارج هذا القطاع تماما وجاهلة لمحبوكاته ودهاليزه ..وهذا ما يولد شعورا بالخوف تارة والحذر تارة اخرى وهذا شعور طبيعي ....لكن الواحد لازم اكون ثايق في نفسه ومؤهلاته ..ويطور من عامل الثقة في نفسه لانه ه>ا هو الي اخليه مستعد لكل مطب او عرقلة ويقدر اواجهها ويتصرف مع اي موقف....مثلا في حالتك انت قلت بان زملاءك الاساتذة لم يرحبو بك ووضعوك جانبا وووو.......لكن ديري افكار رئيسية في عقلك اتخليك ما تديها حتى في واحد وتعطيك تقة وقوة ..وهي اولا حتى واحد ما صدق عليك هذا المنصب ..بل انت جامعية ومستوى ليسانس وتستحقينه ..ثانيا هذه المدرسة حتى واحد ماهي تاع باباه من المدير الى الغفير وبالتالي الكل موظف عند الدولة ولا فضل لاحد على الاخر .وحتى واحد ما يقدر ينفعك او اضرك ...وبالتالي قوي شخصيتك واستفدي من اخطاء السنة الماضية والعمل على تصحيحها ..وعاملي زملاءك في العمل كل حسب موقعه وكل حسب شخصيته وطبعه ...يعني الي يستحق الاحترام والتقدير اللهم بارك والي ما يستهلش حتى السلام عليكم والتحية ما اتقوليهالوش ...وحاجة اخرى برديلهم بالخدمة تاعك يعني القباحة فالميدان كيما اقولو ...والله بعدها سيتغير الوضع الى الافضل بالتوفيق من الله .