[محمد...عبد النور]

المشاركة الأصلية كتبت بواسطة قضــــــــــــ وقدر ـــــــــــاء

السلام عليكم

أتمنى أن تكون بخير أخي لذريق
وأنو رمضان مش غالبك مع هاذ سخانة
أما أنا اليوم أحسست نفسي متعبا وعطشانا
اللهم بلغنا رمضان
أكيد أخي لذريق من خلال النقاش مع الأعضاء تحس نفسك أنك ترتاح للبعض
ومن جهة أخرى تحس العكس اتجاه أعضاء أخر
لكن في كل الحالات يبقى الاحترام هو سيد الموقف ومن لا أرتاح معه أحاول تجنبه هذا كل شيء
وأنا شخصيا هناك من الأعضاء من حدث بيننا سوء تفاهم واعتبرته أنا شخصيا في إطار النقاش ولحد الآن أحاول أن أشارك في مواضيعهم
إذا أعجبتني لكن هم كم من موضوع لم يشاركوني فيه وفي كل الحالات هم أحرار المهم عندي أنا شخصيا
هو إراحة ضميري
وأرجو ألا يفهم كلامي هذا أنني أريدهم أن
يشاركوا في مواضيعي مستقبلا كما فعلت أنا لا
القصد هو أنك تكتشف من الأعضاء من ينسى وهناك من يتخذ موقفا على طول
ولو ترى القسم السياسي اخي لذريق تذهل
هناك من يشكك حتى في ديانتك وإن كنت سنيا أو شيعيا
أما فيما يخص هذا القسم الخاص بالمجتمع
فأنا أحبه كثيرا وأحترم أصحابه كثيرا كثيرا
وأتمنى أن تكون علاقتي بهم جيدة دوما
بارك الله فيك على الموضوع وعذرا على الإطالة
راني نسي في روحي لأنني وفي هاته اللحظة أحس بعطش
كبـــــــــــــــــــــــــير ههههه

صح فطورك مسبقا أخي الفاضل

المشاركة الأصلية كتبت بواسطة soso sirin

صحيت خويا لذريق على الموضوع تعرف كنت نكونيتي من البورطابل كي لقيت موضوعك جيت نرد لانو قلبي راه مغموم من شي ناس والله مرات انا كي نكتب موضوع والله نولي نستنى في شي اعضاء باه يردو لانو الصح ماشاء الله و مع انو الواحد مايعرفهم و تسعين بالمية انو مايعرفهمش نيشان مي والله ناس ماشاء الله و مانقدرش نذكرهم بالاسم لانو خايفة نخرج على الموضوع و صح ترتاحلهم حتى و كون يخالفوك في الراي لانو عندهم اسلوب لبق في الكلام كيما قلت انت في المقابل كاين ناس يبغو يخرجو فيك بسيف الانسان الي ماشي مليح و الواحد كون مايحكمش روحو ماعلاباليش واش راح يقلهم.انا الصح انسان لقيتو يهدر في حجة مليحة موضوعو عجبني ندخل نهدر و نمد رايي الموضوع خاطيني و ماراهش جاي على القوسطو امالا ماندخلش كامل و انا تهنيت و اذا دخلت نعرف واش نقول و واش مانقولش لانو الناس عقليات و كاين الي عندو اعصاب باردة مي كاين الي مقلق و بلاك الواحد مايعرف واش يقول.الصح انا الناس الي عرفتهم في هذا المنتدى و الله ناس ماشاء الله و ماعندي مانقول فيهم و عندي ثقة كبيرة فيهم و حتى الناس الي ممكن مانتوافقوش في الافكار ماعندي مانقول فيهم لانو انا الواحد كي مانعرفوش مليح مانهدرش عليه صح يزعفني الانسان الي يستفزني مي ربي يسهل على كل واحد المهم انا مانخسر حتى مع واحد لانو هاذي الدنيا اليوم رانا هنا غدوة بلاك مانكونوش و اذا ماكنتش هنا على الاقل الناس يتفكرو عليا الحوايج الملاح برك و هذا ماني متمنية. و زاد مادامنا ماناش كيفكيف راح ناس نقبلوهم و ناس مانقبلوهمش و الاختلاف حاجة مليحة المهم الانسان مايفوتش الحد مع غيرو برك.شكرا على الموضوع و سمحلي لانو طولت عليك و صح فطورك

السلام عليكم أخي ع/ش و أختي سوسو سيرين
درك غير ضربت طلة على الموضوع لكن نوعدكم من بعد افرد لكل منكما رد جيد ان شاء الله
صح فطوركم و رمضان كريم
و ربي يرزقكم شربة و رية ما بعد الافطار تدي عليكم العطش
و يسقسكم ربي شربة من يدي المصطفى لا تظمآن بعدها أبدا
بارك الله فيكما و جزاكما الله كل خير
من بعد ان شاء الله و جزيتكم الفردوس و والديكما
ســـــــــــــــــــــــــــــــــلام