اقتباس:
المشاركة الأصلية كتبت بواسطة saalem
موضوع رائع أختي وهذا واش كنت نستنى ربي يحفظك ان شاء الله
لدي استفسار : مواضيع إمتحانات الأعوام الماضية من أين أشتريهم ؟ والكتب ؟ ولدي مشكل في اللغة الفرنسية ليس كبيير لكني لا اجيدها
بالشكل المطلوب فهل يؤثر ذلك و لا استطيع الفهم و ....وما معنىqcs؟
|
كون قريت مليح واش كتبت راك تلقى أوبة على كلى استفساريك
الإمتحانات و الدروس و ؟أي شيء في تلقاهم في
copy bazar
wala copy net
في درقانة
جميع المواضيع و في كل لي موديل غير متخافش
الفرنسية مش مشكل على الإطلاق
مام لي يعرفوها مليح راح يلقاوا كلمات علمية جديدة عليهم
و كامل راح تتأقلموا
صح مع لول متفهموش و تتخلعوا
مي أومبعد توليوا توالفوا و تشفاوا مليح على هاذوك الكلمات العلمية و جميع الأساسيات
و توليوا غير تقراوا تنساوا مشكل الإقامة ...مشكل الفرنسية ....كل المشاكل
المهم تحاولوا كشما تحلو و لا تحفظو و لا تفهموا باه تلموا النقاط
و الأساتذة مع لول راهم يشرحولكم و يقولولكم لي مفهمش أي كلمة يقولنا عليها
هكا حتى توالفوا
ميزيروش عليكم طول فلأول
و الفترة الأولى طويلة بما يكفي للدراسة و التأقلم
مي أومبعد لازم تخدمولهم فلإمتحانات
qcs
المميز فيه أنو كي تجاوب صحيح على السؤال صحيح تدي النقطة المعتبرة
كي تغلط ينقصولك هاذيك النقطة
و إذا خليتها تدي صفر عليها
يعني تخليها خير إذا مراكش متأكد طبعا
مثلا عليه نقطة و نت لميت 10 نقاط زدت جاوبت عليه إذا صحيح تدي 11
و إذا غالط تدي 9
و لو كان خليتها تبقالك 10
و السؤال تاعها قادر تجاوب عليه بصحيح أو خطأ و لا تخير إقتراح معين من بين الإقتراحات المعطاة و لا تجاوب بشكل مفصل المهم هذا هو أسلوبو في التنقيط
نتمنى تكون فهمتني
و ربي يوفقك و متتخلعش
من الفرونسي
مكان والو
الأغلبية ميعرفوهاش و الأساتذة بعد يوقفوا معاكم
حتى تلقاوا رواحكم والفتو تلقائيا و يجبدولكم على هاذ النقطة في بداية السنة
علابالهم كااامل متعرفوش ماعدا القليييييييييييييييل من ولاد الأطباء و لا ولاد لي بروف
بالنسبة للفهم أكيد لازم تستعمل القاموس لترجمة الكلمات المبهمة لديك و هكذا ترسخها في ذهنك و بتكرارها في الدرس أو في التمارين ستتعلمها و تتذكرها و تفهمها بإذن الله
و في هاذ المجال الطبي كاين معلومات ..خصائص تهزهم في راسك باه تقدر تكمل تقرا
مش قضية لغة ...قضية علم
و لا تنس التوكل على الله و دعائه
و الله ولي التوفيق
نتمنى نكون طلعتلك المورال ...ههههههه