هي الحاجة الشابة الي في قلم الرصاص انو فيه ممحاة نقدر نمحي واش كتبت مي المشكل راه اذا كنت انا قلم رصاص و الشي الي قلتو و الا درتو كان بيني و بين روحي هنا تكون حاجة ساهلة باه نبدل مي اذا الشي الي قلتو قلتو قدام الناس و مكانش نيشان حتى و نبغي نمحيه مانقدرش لانو كاين شي ناس مايفهموش كلمة السماح و كاين ناس واقفيلك على الوحدا و يتمناو تغلط قلم الرصاص ماينفعكش كامل مع الناس. مي انا وحدا من الناس نبغي نكون قلم جاف خير باه نعرف بلي اذا غلطت راح نخلص نيشان و لانو انا من الناس الي يخمم بزاف قبل مايدو اي خطوة في حياتهم و حتى يدرسوها مليح باه نديرها و ديجا كاين شي ناس لازم تكون ماركور معاهم باه يشوفو مليح واش تقول .