اختي تقدري كي جي تسجلي و تحوسي باش تدفعي تاع المنحة و كيما تحبي تقدري تدفعي دوسيي تاع منحة دوكا ولا في دخلة ان شاء الله
بالنسبة للتسجيل
تدفعي مع اول 200 دينار و ديري لاشان باش جي دالتك
و من بعد تروحي تحوسي على المدرج خاص بالشعبة لي درتها و تبداي تحوسي فيهم على حرف اول للقبك من بعد تحطي عندهم وصل بلي خلصتي و بطاقة التعريف يعطوك 4 اوراق تعمريهم و تستناي حتى ينادولك من بعد تدفعي
3 صور و شهادة ميلاد و نسخة من شهادة البكالوريا المؤقتة 'كشف النقاط ' و ورقة لي جبدتيها من نت لي تبين واش بعتوك و الاوراق لي عمرتيهم و ظرفان بريديان بطابع و عنوان و اسم
من بعد كي تكملي و يعطوك الشهادة المدرسية
تخرجي تحوسي على وين جيبي بطاقة لي تعودي تدخلي بيها للجامعة ان شاء الله
و تدفعي صورة من كشف النقاط و صورة وحدة و تستناي يعيطولك و تديها
مي اختي ننصحك كي يمدولك الشهادة شوفي اذا ما غلطوش في اسمك انا غلطولي و صرا مشكل ضليت نجري من او من
و تسجيل داملي يومين على خاطرش كانو بزاف لي يسجلو و اساتذة عياو حبسو كيما انا من 10h حتى 16h 30 في يوم الاول باش مدولي الشهادة و كنت مضطرة نرجع اليوم باش نكمل التسجيل