[♫ وهج الأمـل ♫]

المشاركة الأصلية كتبت بواسطة أم الشهداء

وعليكم السلام و رحمة الله

لا تعليق حول التنظيم : العياط - الحس- تسنى اكثر من 5 ساعات باش غير دير التسجيل البيداغوجي بعد ما درت ديجا لاشان باش تيدي التيكي و من بعد دير لاشان مرة اخرى باش تخلص 20 الف اللي حيرني كي مدتلو 20 الف بياسة بقا يشوف معاها قالي داروها جديدة هاذي؟! ههه ما فهمتش وين عايش و زاد مع الاخر قالي ماعندكش تاع الورقة خير اااو علاه انا من وين جبتها هاذي الـ 20 الف تجي تفهم تحير ، تزيد تروح تسنى باش تسجل في موقع الجامعة مليار خانة في خانة كيلي ماسجلناش مه الاول اسمي كرهتو بالعربية بللفرنسية اسم الاب بالعربية بالشنوية ولاية السكن ولاية الميلاد الولاية اللي عقبت فيها ، صندوق للبريد للالكتروني وين نعيطولك كي مانلقوكش في الهاتف الشخصي و كي تكمل هاذي المراحل الكل دير موافق تجيك مبروك عليك عاود اهبط للتحت دير لاشان باش تدفع الملف تاعك مع العلم ماكاين حتى ورقة تاع سجلت ولا و في الاخير كي تدفع الدوسي مايمدولكش شهادة التسجيل قالك كاينة خلل تقني و حتى ورقة بالكذب زعما راك مديت الملف والو يعني اذا راح تطفر فيك
و بما انو مامدولناش شهادة التسجيل الباقي تع التسجيلات ماتقدرش تكملهم
و المشكلة قالك ارجع نهار السبت


و من هنا تبدا المغامرة تاع الجري و التمسخير تاع الجامعات و و و و

ربي يهديهم

سلام

السلام عليكم

متقلقيش روحك اختي

الهم اللي شفتو البارح واليوم الله لا يشوفكم فيه

هذوك مساكن اللي جاو من بعيد مانعرف كيفاه يديرو مع السخانة

أمس قالتلي طفلة بللي كاين اللي فطرو بسبب التعب والسخانة