السلام عليكم
اخي التخصص لي اختارتو مليح بزاف سورتو تاع قسنطينة راهو تسجيل وطني خير من تاع جيجل
وزيد رياضيات واعلام الي خير من هندسة معمارية بالنسبة لي
وكيما رانا نعرو كامل بلي اذا قعدت في جيجل قول لقرايا باي باي
انا تاني جيجلية وصحاباتي لي راحو هندسة في جيجل كامل بلوكاو العام باسكو لقرايا في جامعة جيجل واعرة بزاف
وزيد لي بروف ميعطوش لي نوت والهول كاين بزاف
اما كي تتغرب تجيك صعيبة تغربت ومتقراش؟؟؟
يولي لازم عليك تقرى
اما بخصوص اللغة ماشي مشكل ابدا خصوصا في تخصص مات لانك تتعامل مع العلاقات والارقام اكثر من التعابير
وراك رايح توالفها وتوليلك صعيبة متقراش بها
انا نصحك اذا راك تحب المات فماعليك الا بها
اما اذا راك خايف من الغربة فدير ترونسفار
ومتنساش تصلي صلاة الاستخارة هكذا متندمش
وربي يوفقك