هذا ما يسمى بصراع الاجيال.مي نقلك الاب ماراهش صح و الابن ماراهش صح معنتها الاب مايجيش و يقول لوليدو البس كيما انا اهدر كيما انا و فكر كاما انا لانو صح الوقت تبدل و تاني وليدو عندو شخصية و تاني الاب راه راضي على حياتو كامل بيانسوغ لالا امالا كيفاش باغي وليدو يخرج فوتو كوبي تاعو نوغمالمو يوجهو يوقف معاه يخليه يشوف الدنيا مليح من التجارب تاعو مي مايقولوش واشدير و كيفاش تخمم لانو هكا راح يمحيلو شخصيتو و يولي الابن يقول كون يكون بابا في هذا الموقف واش راح يدير و مايخممش هو واش لازم يدير الاب عندو الحق على الطفل مي الابن ماراهش ملكية خاصة للاب و هذا الشي لازم يفهموه الاباء معنتها نقدرك نحترمك و انت تاج راسي و ندي رايك لانو الخبرة تاعك خيرمني مي انا تاني عندي شخصية و عندي عقل نخمم بيه.و الابن تاني ماشي كل حاجة يوقف عندها و يولي عندو غنية وحدا و هي شخصيتي افكاري مبادئي مانبغيش السيطرة لانو العجب الي راه يديروه تاني مكانش منو وحد الافكار تحسب مستوردينهم من المريخ كسوة تاع العجب هدرة تاع تبهليل شوية مهما يكون صح كاين اختلافات مابين الاجيال مي ماشي لهاذي الدرجة معنتها الصح يقعد صح و الحاجة المليحة تبان و العوجة تبان و باه مايصراش دايمن تصادم و تنقطع كل وسائل الحوار لازم الاب يتعلم يفهم وليدو و يكبر راسو و يفهم وليدو اش باغي و الابن تاني يفهم انو الاب هذا راه باغي مصلحتو برك و مهما دارلو الاب يقعد اب و هو عارف الدنيا خيرمنو و هو راه يدير هذا الشي من محبتو الزايدة و من خوفو الزايد عليه كون يصيبو مايغلطتش كامل.