هانى جيت..........
ماجبتلكم والو.....الحشير عند الزلابجية تقول عمر الناس ماكلات ...ياخى حاله ياخى
بالصح نحكيلكم كيفاه عقبت النهار....
منذ اليوم الثانى وانا فى الصباح دايرة دور الاورلوجى العساس ..المنبه نتاع الخدامة ..هذا زوجى ننوضه عاى ال8 ونصف باش يروح يخدم ومن بعد بنصف ساعة ينوض ابنى الثانى ....ديما يروح متاخر بنصف ساعة ويقوللى ..رانى نوصل انا الاول....الكل يتاخروا...ومن بعد بساعة نوض ابنى الثالث ...تاجر يقوللى الخدمة ماتبداش بكرى نتاع البيع....ونبقى غير انا والبنات هوما راقدين وانا ندور ونخدم بعض الشغل الصباحى..وعلى فكرة انا مانرقدش من بعد السحور نبقى اما فى الميكرو او اطالع بعض الكتب او اتلو بعض القران ...حتى الى الواحدة زوالا يدخلوا اولادى من خدمتهم والى التلفزة والمسلسلات حاكم عليهم عمر بن الخطاب والنبى يوسف ...ويعيطولى يستعينوا بيا فى مزيد من الشرح عن بعض الاشياء اللتى لايفهمونها من حياة الرسل وانسابهم ...ثم الى المطبخ مع البنات....هذه الايام ابنتى الصغيرة هههه عمرها 19 سنة راه تتعلم فى الطبخ وتقوللى ابقاى قدامى واقراى القران نتاعك باش اذا حصلتلى نستشيرك ثم يبداو الكل فى المطبخ اللى يحظر السلاطة واللى يحدم المايونيز واللى يشيخ واللى يتفلسف _ضابقة روحو ومالقاش وين يعقب الوقت واللى يحب يزوق الطابلة على ذوقه واللى يحب يكريتيكى باش يسمط ....وهكدا يمر اليوم وفى الليل كل واحدة من البنات فى شمبرة تقرا فى القران....الاولى عادت قريب تختمو والثانية فى الحزب 24 وانا فى الثلاثين....والذكور يروحوا للتراويح .....
صح صحوركم ....