رمضان عندنا ولا عادة وخلاص صبنا مالينا يصومو رانا نصومو وخلاص مي الاكثرية ماراه عارف علاه راه يصوم و لا واش الفايدة في الصيام ديجا الصيام بالنسبةللناس بزاف تحسب عقوبة و لازم يوفيها بسيف عليه و كون ماشي الحشمة بلاك كون فطرو و راك تشوف نهارو يظل راقد هو ياذن الاذان و هو السهرات الي بلا فايدة و الهدرة العيانة و مانهدروش على البورطابل و الهدرة فيه او تقول راهم يقولولهم صومو على الهدرة و هي دق وقت 12 و مانهدروش ديجا انا نشوف بلي نسبة الديرونجمون في التيليفون تزيد مع رمضان و منبعد يقلك الشيطان والله الا راهم يظلمو فيه .و زاد الواحد رمضان الواحد يديرو بداية لحياة جديدة لانو فيها ربي يسهل علينا كلشي باه الواحد يوالف الحوايج الملاح لانو فيها الانسان ينظبط كثر مي نوغمالمو نكملو على هذا السيستام حنا لالا يخرج رمضان و حنا نرجعو كيما بكري و زيد راكم نتوما تصلو التراويح و تشوفو بلي الناس كامل في رمضان تصلي هو يخلاص رمضان و الجوامع تولي تصفر.ربي يهدينا ن شاء الله و يثبتنا على طريق الصح يا رب