بسم الله و الصلاة و السلام على رسول الله
السلام عليكم و رحمة الله
ان شاء الله ما يكونش غالبكم رمضان ..
عندي اسبوع و انا نحضر لهذي المقابلة الشفوية و الاخير شوفا كيفاش كانت مقابلة اليوم في القبة :
يقلك مدلي بطاقة التعريف ... قعد يشوف فيها و من بعد قالي : كيفاش يسموك ؟؟
تبان لي كان غالبو رمضان خطر قاع ما كثر معايا الهدرة ..
و من بعد قلي اقرا المادة 64 من الملصقة الي على الحائط ... مسافة حوالي 4 متر و كتابة نوعا ما صغيرة شوية لازم تكوسونطري معاها
قريتلو شوية منها ...
بعدها قالي اقرا من الطابلو ... الحين كتابة كبيرة لكن مش واضحة نوعا ما و بعضها بالللون الاصفر و البنفسجي ا
قريتلو شوية ... تخيلت روحي هدا وين دخلت للابتدائية وليت نتلصق ...طبعا لانو الكتابة مش واضحة
هذا اختبار الرؤية
بعد ها اختبار السمع يكون فيه ما يلي .. يتعمد الاستاذ التكلم بصوت مشوش و مخفض
قالي اطلع مسح 2 سطورا من الطابلو ... بعد هذا ملى علي جملة لا اساس لها من الصحية و هنا تظهر حاسة السمع تشعر و كانك ما سمعتوش مليح
نظرا لعدم انسجام كلمات الجملة مع بعضها ................
بعد كل هذا سنيالي و مد لي الورقة
طبعا ............... فيها مؤهل
اسأل الله ان يوفق البقية من الطلاب ..
و السلام عليكم و رحمة الله و بركاته