الموت صعيب بزاف سوغتو اذا واحد مات و ماعطالكش حتى فرصة انك تهدر معاه تعاتبو تعيط عليه يقلقك تزعف منو و تخرج و تخليه لما تجي خارج تتفكرانو كان مهبط راسو كي كنت تهدر معاه انو كان يضحك لما كنت انت تعيط عليه انو كان عارف انو غلط مي كان يقلق فيك و ترجع ليه تمتم باه تراضيه و كي دور ليه تصيبو واقف باه يجبدك من يدك و يقلك سمحلي.مرات نحس انو الدنيا هاذي ماتستاهلش الزعاف و ماتستاهلش باه نخسرو بعضانا مي اذا طحت مع ناس مايقدروش كل التنازلات الي ديرها على جالهم كيفاش دير معاهم اذا انت كل ماتتنازل هوما يزيدو يتماداو واش راح دير الصح والله كاين ناس ماعرفتش كيفاش نتعامل معاهم الصح موت زينب ربي يرحمها خلاني نخمم في حوايج بزاف مي مالقيتلهاش الحل نيشان ربي يهديني للطريق الصح و نلقى واش ندير و ربي يهديهم هوما تاني