السلام عليكم
ننصحك اختي انك ما تعاوديش الباك و تضيعي عام كامل و انت قادرة تكوني ربحتي عام في الجانعة
تخصص رياضيات و إعلام آلي تخصص رائع خاصة أنك تحبي بزاف الرياضيات
فيه سنة اولى جدع مشترك و في السنة الثانية فيه تخصص رياضيات أو إعلام آلي و بما انك تموتي على الرياضيات تقدري تخيري تخصص الرياضيات و اللي فيه كذلك ثلاث تخصصات و حسب علمي تقدري تتوجهي للتعليم بعدما تتخرجي كما انك تقدري تخدمي في شركة
المهم أختي استشيري و استخيري لعل هذا التخصص ينفعك في المستقبل فهو قبل كل شيء منحة من عند الله
و كاين بزاف ناس عاودت الباك و ضيعيت عامين و في الاخير قررت ادير نفس التخصص و انت ما يهمكش اللي ادا 15 او 16 او حتى 17 لان الجامعة ميدان آخر و الكل يبدأ من جديد و كيما راكي تشوفي المتفوق انيس سنوسي 18.99 راح يقرى مع اللي ادى 15.49
نتمنى تكوني فهمتيني و صحا فطورك أختي