السلام عليكم
كيراكم مع السخانة ايا هاكم شوية لاكريم و بردو عظامكم+سانك ميل للواحدة و ما تقاشحونيش راه كريبوني كاتريام ايتاج..
المهم نزدمو في الموضوع..
راه علابالكم بالسخانة و الواحد ما قدش خلاص..يعني الواحد ما لقى كي يديرو لروحو..مالا راكم عارفين بلا ما نقول..
زعما قالك رانا في 2012 و العقليات راهي تتبدل و منعرف و كي جيت نشوف بعض اسئلة المواطنين جيت نفهم اسئلتهم تشوكيت..
01-نبداو بالعفسة تاع تخرج من الدوش مشمخ ايا تلقى صاحبك يسقسي فيك واش دوشت؟؟...لالا راني خارج من البحر...
02-واقف قدام لي زيسكالي و طالع..يقولك واش راك طالع؟؟...لالا راني نستنى في دارنا تهبط..
03-طونوبيل تاعك مشروبة اكسدينتي ايا يلقاك يقولك واش اكسيدون؟؟..لالا ديتها عند الطولي قلتلو ديرلي الستيل الجديد لي خرج هدا لي راك تشوف فيه...
04-راك في السرير راقد و مغمض عينيك و ممبعد يجي واحد يقولك واش راك راقد؟؟؟...لالا راني نجرب في الموت برك..
05-خارج من الجمعة و رايح لداركم يلقاك و يقولك واش كملتو الجمعة؟؟...لالا الامام خرجنا نحوسو و نرجعو نكملو..
06-امراة اونسات و ولدت يقولو مرت فلان ولدت و يجاوبو لاخر علاه كانت اونسات؟؟..لالا أخي العزيز تيليشارجاتو من اليوتيب..
07-تحكي مع صاحبك في تلفون تقولو شا راك دير؟ يقولك قاعد نمشي و خلاص...فهمنا في هادي قاعد نمشي أخي المواطن راك بين السما و لارض و لا كيفاه؟؟..
*ماشي جي تفهم تتشوكا..ستف روحك اخي المواطن و هادو أسئلة بعدا؟؟
في لافان يرحم الوالدين ما ترقدوناش على سانك ميل تاع لاكريم..سينو نبدا نقنص بهاديك المخلوقة لي راهي تحت في الفوتو..
بالكم تفطروا رمضان بالاكرام