[حضنية28]

المشاركة الأصلية كتبت بواسطة soso sirin

والله يا اختي حنا في الشلف تكون نفس العادات الي في كل ولايات الوطن النيتواياج قبل رمضان و مرات نشرو الماعين جدد كيما انا السنة رحت شريت الغرافا تاع الحريرة .تاني نكون وموجدين الحوايج الي نستحقوهم من الماكلة و نهار ليلة الشك يفوت النهار عادي في دارنا والديا يتسحرو بالحليب و التمر و كاين الي يشرب القهوة و انا و خواتاتي مانتسحروش نوضو وقت السحور نقراو القران و نصلو و نرجعو نرقدو و نشربو الما سوغتو انا الي يشوفني نشرب في الما يحسبني راه عندي جفاف.مي عادات والله مابقا واحد شاد فيها و حنا الي يصوم عندنا اول مرة لازم يشرب الحليب و يكون في الكاس خاتم تاع ذهب للفال.حتى السهرات و راحو كل واحد راه يريح في دارو .مي الصح الواحد كي يفوتو مليح و يكون ربي راضي عليه و هذا هو الصح و الصح تاني الواحد مايخليهش يروح في باطل هذا الشهر .

شكرا على المشاركة الطيبة العادات نتاوعكم تختلف علينا هناية في مسيلة بالبزاف