[محمد...عبد النور]

السلام عليكم أختي أسماء
شكرا على الدعوة الكريمة
كل اللي في المائدة أحبه غير أني افضل القهوة على الشاي ...القهوة تقولي راني مدمن عليها هههههههه
المهم اليوم استيقظت على الساعة 7:40 دقيقة قعدت في الدار و من بعد فتحت النت كتبت بعض المشاركات و بعدها رحت نشوف برى وش كاين و الله حرب ضروس على الخضر تقولي لي ما يشريش رايح يموت و الله تعجبت و بعدها ذهبت للمخبزة و كانت لاشان حتى الباب و صادف دخولي شجار بالايدي و الضرب و الناس تسلك و الكلام الفاحش الذي لا يليق ، كنت باغي نشري و بطلت و بعدها رجعت للدار قالولي اشري شوية تمر ، بحتث في كم من حانوت و لم اجد الا عند تاجر واحد فقط اشتريت و عدت للدار و بعدها قعدت على النات حتى قربت صلاة الجمعة و بعدها اغتسلت للصلاة و رحت نصلي
بعد الصلاة لازم نعمر وقت الفراغ بالنوم ههههههو فطنت مع العصر و بعدها رحت جبت الزلابية و قلب اللوز لكن قلب و عدت للدار
فتحت النت و الله قلبي انفطر على فقد الاخت مشكاة الهدى و الله دموعي نزلت و خاصة لما قرأت مشاركاتها و خاصة توقيعها و الله نزلت دموعي و بقيت هكذا متأثرا الى وقت الافطار
بعدها اذن المغرب ، صليت و بدأت بالحليب و التمر و الجلبان بعدها و الحلو السلاطة بالروز و البوراك وشوية جي
المهم الحريرة نبغيها ، كملتها و الباقي كليت شوي شوي
بعدها انتقلت للقهوة شربت شوية و اكلت قلب اللوز لكن لم يكن جيد لان السميد المستعمل مخلط بالذرى ايا ما عجبنيش
قعدت نتفرج و بعدها صليت العشاء و التراويح و الان راني مع النت
و الان راني على مائدة الضيافة عندكم هههههههههه
ربي يبارك فيك أختي و جزيتي كل خير و صح فطوركم و سحورك و رمضان كريم
ســـــــــــــــــــــــــــــلام