والله موضوع قيم خويا و يطول الكلام فيه.مي كون كل واحد يخمم بعقلو والله مايخمم باه يحرق.صح بلادنا ماناش عايشين ملاح صح ماناش عايشين في الجنة مي الجنة تاني ماراهيش في الحرقة و لا في الدول الاوربية.مي تعرف خويا المشكل تاني وين راه في الي يخدمو في الخارج و يجو في الصيف و يقعدو يهدرو على الخارج تحسب راهم عايشين احسن حياة و هوما والله بلاك عايشين لاميزار.الخارج ماراهمش يقسمو في الدراهم و لا الدراهم مقيوسين الي يخدم يعيش الي مايخدمش يموت و مكانش الي يديها فيه الماكلة يقيسها و مايمدهاش للعربي .الحرقة اسم على مسمى هو لما راح يروح راح يحرق كلشي روحو ماليه حياتو يروحو لبحر و هوما رافدين كفنهم بيديهم اكثريتهم يموتو في البحر والي عندو شي زهر الي يلقاوه و كاين الالاف مايلقاوهمش هو يحرق و ماقالش حتا لوالديه و لا لخواتو يماه ماخلاهاش حتا تشبع من وجهو باباه بلاك راح و هو مداقو هذا ماشي حرام اذا لقاوه بلاك تنقص الحرقة و يندفن عندو قبر يروحو ليه و اذا مالقاوهش يعيشو حياتهم كامل و هوما محروقين عليه مايعرفوش حتا اذا مات و لا راه حي .و هاراه وصل و منبعد في بالو ساهلة باه يصيب الخدمة.علابانا المشاكل كبار علابانا بلي الواحد ماراهش يتحمل مي الدراهم الي يحرق بيهم و كاين الي بلاك حتى 5 مرات كون دار بيهم حاجة ماشي خير.والله قلبي راه ضارني من هذا الموضوع و الي تغيض راهم يروحو غير الذراري الصغار برك هاذو واش يعرفو فيؤ هاذي الدنيا وقتاش سوفراو و شكون الخاسر دايمن الوالدين لانهم رايحين يتحرقو سواء عاش و لا مات لانو حتا و يقطع بلاك مايشوفوهش حتا 10 سنين و لا كثر و هكا هوما محرومين منو و هو حي ربي يهديهم ان شاء الله.