أولا أختي نحب نولهك الحاجة
الشهادة الانسان يديرها باش يطلع المستوى الفكري نتاعو
وباش تكون عندو مكانتو في المجتمع
لأنو في نظري ما كانش حاجة توجع في القلب كيما جملة : راهو جاهل
صديقتك هاذي قوليلها تعمل على ربي و تعاود الباك، وتبقى تعاودو حتى تديه، أنا نعرف ناس اداو الباك على 40 و 50 سنة، العلم ماعندوش سن
ولازم دير الشهادة، مليحة ليها، على الأقل حاجة تلقاها في المستقبل
أما ميدان العمل، وخاصة هي امرأة، عندها مجالات كثيرة تقدر تخدمها،بخلاف بالشهادة الجامعية
تقدر تتعلم الطبخ، الخياطة، الحلاقة، سواء عند الناس اللي يعلمو البرا، أو في التكوين المهني
أيضا حابة نقولك بللي العمل بالشهادة راه أصبح من الحوايج التعجيزية، يعني العبد اذا دار مهنة في يدو خير و خير، ولكن الشهادة تبقى شيء أساسي على الأقل كي تربي ولادها، تربيهم على أسس سليمة
نتمنى نكون فيدتك، حتى ولو بالقليل
بالتوفيق