سلام عليكم
الامر يرجع ليك انصحك بالاستخارة وتوكل على ربي
-الاختصاصين ماشاء الله يعني الاختصاص الذي اخترته منها فلم تندم لانك راح تجد لي عندوا باك احسن منك وكلاهما علم كبير
*دير حاجة في بالك بلي اختصاص خدمتوا ضامنة في الجزائر الضامن ربي يعني انت ومكتوبك كاين اطباء بطاليم وثاني كاين مهندسين بطاليم كل واحد وش كتبلوا ربي
* المطلوب منك الان الدراسة وبرك ما ديرش معيار الخدمة في اختيارك ولكن اختر لي تلقى فيها راحتك ةتحبها تقدر تقراها وتبدع فيها
-- بالنسبة للطب اختصاص هايل لكن فيه مسؤلية لانك راح تخرج تداوي العباد يعني مسؤلية الدراسة تعاو تتطلب الحفظ اغلب مواده حفظ وثاني 7 سنوات باش تخرج طب عام ومن بعد لازم دير اختصاص من 4 الى 6 سنوات حسب الاختصاص
-بالنسبة هندسة كهربائية والكترونيك بجامعة بومرداس الدراسة تحت نظام ل م د
- فيه اربع اختصاصات control-power-digital-communication
- الفصل الول تقرى بالانجليزية برك ومن ثم تبداو الدروس تتطلب فهامة يعني ماشي حفاظة خاصة رياضيات- فيزياء
-القراية بالانجليزية ماشي مشكل لانو نعرف بزاف نجحوا فيها وتفقوا في الانجليزية عادي جدا
- خدمتهم بالاخض في شركات الاجنبية العاملة في الجزائر على جال يعرفوا انجليزية
-تدخل حوالي 150 طالب في الدفعة