[أم دارين]

السلام عليكم

تخصص رائع يا أخي ما شاء الله
خصوصا إذا اخترتو عن قناعة

إذا قريت فقسنطينة فإن أول سومستر رح يكون أصعب شي
لكن نصيحة متراطي حتى كور ادخل للكور وحاول تتبع مع الأستاذ واش يقول بالحرف
وأي حاجة مفهمتهاش اسألوا
نتذكر أول سومستر نقراو التحليل والجبر والميكانيك والكهرباء
صدقني كي تقرا فالكلاسة مليح تكون مرتاح
وننصحك فأول سومستر عاود التمارين تاع td فالدار لأنو كيما قلتلك أول سومستر يتطلب شوي عمل
أما ثاني سومستر فهو أسهل

والسنة الثانية تختار التخصص إذا اخترت اعلام آلي
بالنسبة ليا كنت ما نراطي حتى كور ونتبع مع الأستاذ
ونحلفلك بربي ما كنتش نهز الكراس فالدار
ومع هذا كنت الأولى فدفعتي دائما الحمد لله

لأنو السر يكمن فأنك تتبع فالقسم
لأنو الناس فالجامعة تقولك منروحش للكور وممبعد نقرا فالدار
وهذا أكبر خطأ
تبع فالكور والعب فالدار
لأنك كي تتبع فالكور وتفهم هذيك الفهامة متخرجش من راسك
يبقى المذاكرة فالدار على حسب الشخص
لكن صدقني كي تتبع مليح فالكور راك ديجا درت 70 %
تبقالك هذيك 20 ولا 30 %
تديرها فالدار مي تحس روحك مرتاح ومتتعبش

ربي يوفقك إلى ما يحبه ويرضاه