هي والله صح مرات كي يكون عندي مشكل كون مانصيب حتا واحد نحكيلو باه مانقلقهمش سوغتو الناس الي عزاز عليا بزاف مانبغيش ريسانهم يتكسرو على جالي مي انا من الناس الي مانعرفش نكذب و لا نداري معنتها بلخف يعرفو بلي عندي حاجة .مي مرات يا مراد الانسان مايقدرش يهدر كلشي كاين شي مشاكل والله ماتقدر تحكيهم لانو انت و ماتكونش مامن انو صح راك في هذا المشكل و كيما قلت انت كي ماتهدرش تضر روحك لانو تقعد تخمم بلا فايدة و ماراحش تلقى حل للمشكل و الانسان اذا كان شخصيتو ماشي قوية راح يتعرض لضغوطات كبيرة ممكن تخلي الواحد يفكر في الانتحار و لا بلاك راح يخفاف من عقلو.و تاني المشكل الي ولا فينا انو كل واحد راح يحس انو هو الي راه عندو المشاكل كثر و انو مشكلتو ماراحش يلقالها حل .و اصلا المشكل كي تفوت تهدرو والله راح الانسان يرتاح لانو الهدرة برك راح تنقص الضغط و الحل راه يكون من عند ربي و من بعد من عند الناس الي فيهم الثقة مرات الكلام في المشكل يكون راحة للانسان حتا و مايلقاش الحل مي راح يرتاح و انا والله هاذي مجربتها لما تكون عندي حاجة و مانهدرهاش نحس جبل راه على قلبي يفوت نهدر نحس روحي خفيفة لانو المشكل خرج و راه شخص وخدخر يخمم معايا