[ام مؤمن]

المشاركة الأصلية كتبت بواسطة ام احمد الغالي

الله يسعدك على الرد الحلو انا لو في فرنسا ولا اوروبا اجمالا كان لقيت كلش تاع البلاد بالصح انا مقيمة في الامارات وهنا قليل نلقاو حوايج البلاد

الله يونس غربتك و خليك معانا رانا كامل عايلة واحدة بغض النظر عن المكان

و نقدملك تجهيزاتي للشهر الفضيل كما وعدتك

اول شيىء نبدا بيه هو التنظيف العميق للبيت يعني نقلب البيت راس على عقب و نغسل الفراش و الزرابي و الحيطان و حتى السقف و نرتب الخزائن و نغير ديكور البيت يعني نعمل حركة بالمنزل تبشر باستقبال ايام مفترجة نستقبلها بتطهير بيتي مثلما نطهر قلبي و نقيه و نصفيه بنية الصيام

نحضر الفريك و انا نحب نخدموا بيدي نشري القمح و نقيه و نغسلوا و نملحوا و نيبسوا و نرحيه و نغربلوا و نحطوا في بلارة و نعمل تاني بلارة غبرة نتاع الفريك

نجمد الفواكه و الخضر اللي تكون موسمية و ما نلقاهاش في رمضان مثلا الجلبانة الفراز و غيره

نقوم بشراء كا انواع التوابل و نحضرها

ايضا نعمل شباح الصفرة قبل رمضان بايام باش ترتاح

نحضر العين و المشيمشة و اللوز و الزبيب و غيره

اكيد نشتري مواعين جديدة للشهر الفلضيل راني نفنى على الماعن

و عندي اعمال نعملها عشية رمضان يعني ليلة الشك ههههههه المرة الجاية نقولهالك

و اكيد للحديث بقية